باجوڑ(آئی این پی) باجوڑ کی تحصیل خار کے علاقہ عنایت کلے میں ریموٹ کنڑول بم دھماکہ ،دو افراد جاں بحق ہوگئے ۔ لیویز ذرائع کے مطابق جمعرات کے روز نماز مغرب کے بعد ضلع باجوڑ کے تحصیل خا رعلاقہ عنایت کلے میں ریموٹ کنڑول بم دھماکہ اس وقت ہوا جب مولوی امان اللہ گاڑی میں اپنے گھر جارہے تھے ۔دھماکہ کے نتیجے میں
مولوی امان اللہ اور ایک اور ساتھی جاں بحق ہوگئے جبکہ گاڑی مکمل طورپر تباہ ہوگئی ۔ واقعہ کی اطلاع ملتی ہی سکیورٹی فورسز اور انتظامیہ کے اہلکاروں نے جائے وقوعہ پر امدادی سرگرمیاں شروع کردی اور سکیورٹی فورسز نے علاقہ کو گھیرے میں لیکر سرچ آپریشن شروع کردیاجبکہ انتظامیہ نے واقعہ کی تحقیقات شروع کردی ہے۔
