اسلام آباد (مانیٹرنگ ڈیسک) عارضی شیلٹر ہوم میں رہنے والے افراد سے ایک نجی ٹی وی چینل نے گفتگو کی اور ان سے پوچھا کہ یہاں آپ کی رات کیسی گزری اور کیا آپ کو کھانے پینے کے لیے دیا گیا تو اس کے جواب میں ایک شخص نے کہاکہ رات کو ان لوگوں نے کھانا دیا اور صبح کے وقت ناشتہ بھی کرایا گیا، بہت اچھی انہوں نے تواضع کی ہے ان لوگوں نے بہت اچھا
انتظام کیا ہے جتنی بھی اس کی تعریف کی جائے وہ کم ہے، یہ مستقل بنیادوں پر چلتا رہے تو بہت اچھا ہے اس کا کریڈٹ عمران خان کو جاتا ہے، پہلے کبھی ہم جیسے بے گھر لوگوں کے بارے میں سوچا ہی نہیں گیا، باتیں تو بہت کی جاتی ہیں لیکن عملی طور پر کچھ نہیں کیا گیا۔ اس شخص نے کہا کہ اللہ تعالیٰ اس کو قائم رکھے اور عمران خان کو اللہ تعالیٰ جزائے خیر دیں۔
