کوہاٹ (نیوز ڈیسک) وزیر مملکت داخلہ شہریار آفریدی کے بہنوئی احمد نثار جو قتل کے الزام میں اکیس سال سے مفرور تھے نے سیشن عدالت سے ضمانت قبل از گرفتاری حاصل کر لی ہے، اکیس سال سے مفرور ملزم احمد نثار پر الزام ہے کہ اس نے جائیداد کے تنازعہ پر جرگہ کے دوران ہی اپنے ایک رشتہ دار کیپٹن محمد یونس کو قتل کر دیا تھا، پولیس کا کہنا ہے کہ 1997ء میں احمد نثار نے
کیپٹن محمد یونس کو قتل کیا تھا اور اس واقعے کا مقدمہ مقتول محمد یونس کی بیوہ نگہت آفریدی کی مدعیت میں درج کرایا گیا تھا اس کے بعد سے ملزم مفرور تھا، گزشتہ روز ملزم احمد نثار نے سیشن عدالت سے ضمانت قبل از گرفتاری حاصل کر لی ہے۔ ملزم احمد نثار کو عدالت نے آٹھ دسمبر تک ضمانت قبل ازگرفتاری کی متعلقہ عدالت سے توثیق کرانے کی ہدایت جاری کی ہے۔
