اسلام آباد (مانیٹرنگ ڈیکس) لاہور دو بیویوں کے جھگڑے سے تنگ شوہر نے دونوں بیویوں کو موت کی نیند سلا دیا۔ تفصیلات کے مطابق لاہور کے علاقے ستوکتلہ میں ریاست عرف جگا نامی شخص نے گھریلو جھگڑوںسے تنگ آکر اپنی دونوں کو بیویوں کو فائرنگ کر کے موت کے گھاٹ اتار دیا۔ بتایا جاتا ہے کہ جگا اور اس کی دونوں بیویوں نسرین اور بشریٰ کے درمیان عموماََ لڑائی جھگڑے ہوتے رہتے تھے ۔ دونوں بیویاں ایک دوسرے سے الجھتی رہتی
تھیں اور جگا ان کے آئے روز کے جھگڑوں سے تنگ تھا۔ قتل والے دن بھی جگا اور اس کی دونوں بیویوں کے درمیان شدید لڑائی جھگڑا جاری تھا کہ ملزم نے غصے میں آکر اپنی دونوں بیویوں کو فائرنگ کر کے قتل کر دیا ۔ قتل کے بعد ملزم موقع واردات سے فرار ہونے میں کامیاب ہو گیا ۔دوہرے قتل کی واردات کی اطلاع ملتے ہی پولیس کی بھاری نفری موقع پر پہنچ گئی اور لاشوں کو ہسپتال کے مردہ خانے منتقل کر دیا ہے۔
