اسلام آباد(مانیٹرنگ ڈیسک)پاکستان بھر میں تجاوزات کے خلاف آپریشن لوگوں میں بھی تبدیلی لے آیا۔میڈیا رپورٹس کے مطابق ملک بھر میں تجاوازت کے خلاف آپریشن جاری ہے۔ پنجاب حکومت نے 2 اکتوبر سےصوبہ بھر میں تجاوزات کے خلاف آپریشن جاری کررکھا ہے ۔اس آپریشن کے نتیجے میں ہزاروں کنال قیمتی اراضی کو واگزار کروا لیا گیا ہے۔اسی طرح کراچی میں بھی یہ آپریشن کامیابی کے ساتھ جاری ہے۔تاہم اب ہمیں اس میں بھی تبدیلی دیکھنے میں آئی ہے۔میڈیا رپورٹس کے مطابق کراچی میں

جن لوگوں نے غیر قانونی طور پر اپنے گھروں کی حدود بڑھا لی تھی انہوں نے خود ہی اس کو گرانا شروع کر دیا ہے۔سوشل میڈیا پر اس حوالے سے ایک ویڈیو بھی وائرل ہو رہی ہے جس میں بتایا جا رہا ہے کہ لوگوں نے اس شرم سے اپنے گھروں کے سامنے غیر قانونی حدود گرانا شروع کر دیں کہ جب سرکاری مشینری آ کر گرائے گی تو اس سے شرمندگی کا سامنا کرنا پڑے گا۔واضح رہے کہ کئی جگہوں پر تجاوزات کیخلاف آپریشن کے دوران حکومت کو شدید مزاحمت کا بھی سامنا کرنا پڑ رہا ہے۔