لاہور(آئی این پی) وفاقی وزیر برائے آبی وسائل فیصل واوڈا نے کہا ہے کہ نیب کے معاملات میں ہماری کوئی مداخلت نہیں اگر کر رہے ہوتے تو نواز شریف جیل میں رہتے باہر نہ نکلتے‘نوازشر یف اپنی چوری اور ڈکیتی چھپانے کیلئے ایک خط لاتا ہے پھر اس سے مکر بھی جاتا ہے‘ پارلیمنٹ ایک بلڈنگ کا نام ہے جب اس میں قوم کیلئے کام ہوگا تب یہ مقدس ہوگی‘
پانی کے مسئلے سب صوبوں کو بھائی بندی قائم کرکے لچک دکھانا ہوگی۔وفاقی وزیر برائے آبی وسائل فیصل واوڈا نے سپیکر پنجاب اسمبلی چودھری پرویز الٰہی کی رہائش گاہ پر پریس کانفرنس کے دوران کہا کہ نیب کے معاملات میں ہماری کوئی مداخلت نہیں اگر کر رہے ہوتے تو نواز شریف جیل میں رہتے باہر نہ نکلتے نواز شریف نے فلور آف ہاوس پر جو جھوٹ بولا اسکا محاسبہ کب شروع ہوگا۔انہوں نے کہا کہ سابق وزیراعظم اپنی چوری اور ڈکیتی چھپانے کیلئے ایک خط لاتا ہے پھر اس سے مکر بھی جاتا ہے۔، انہوں نے کہا پارلیمنٹ ایک بلڈنگ کا نام ہے جب اس میں قوم کیلئے کام ہوگا تب یہ مقدس ہوگی۔ ایک سوال کا جواب دیتے ہوئے وفاقی وزیر نے کہا کہ نیب کے معاملات میں ہماری کوئی مداخلت نہیں اگر کر رہے ہوتے تو نواز شریف جیل میں ہوتے باہر نہ نکلتے، ملک کی معیشت چلانے والا اتنا بڑا بابا ملک سے بھاگا ہوا ہے اس سے پہلے قانون چوری اور چور بچانے کیلئے بنا تھا۔نیب کے چیئرمین پر کوئی داغ نہیں، ڈی جی ایف آئی اے بھی ایماندار آدمی ہیں۔انہوں نے مزید کہا کہ پانی کے مسئلے سب صوبوں کو بھائی بندی قائم کرکے لچک دکھانا ہوگی۔
