اسلام آباد(این این آئی)وفاقی پولیس نے سی ڈی اے ڈپٹی ڈائریکٹر ایاز خان کو ڈیرہ اسماعیل خان سے تحویل میں لے لیا۔میڈیارپورٹ کے مطابق مطابق تفتیشی ٹیم نے ڈپٹی ڈائریکٹر ایاز خان کو ان کے قریبی دوست نور کے گھر سے حفاظتی تحویل میں لیانجی ٹی وی کے مطابق پولیس نے ایاز خان کی اہلیہ اور گھر والوں کو انکی حوالگی سے متعلق بھی آگاہ کردیا جبکہ پولیس کا کہنا ہے کہ ڈپٹی ڈائریکٹر کو جھوٹ اور غلط بیانی پر قانونی کارروائی کا سامنا کرنا پڑے گا،
ایاز خان نے لاپتا ہونے کا ڈرامہ رچا کر پولیس اور قانون نافذ کرنے والے اداروں کا وقت ضائع کیا۔وفاقی پولیس کا کہنا ہے کہ ڈپٹی ڈائریکٹر کے دوست نور سے بھی علیحدہ تفتیش کی جائیگی۔واضح رہے کہ پراسرا طور پر لاپتہ ہونے والے سی ڈی اے کے ڈپٹی ڈائریکٹر ایاز محسود کی گزشتہ روز ویڈیو منظر عام پر آئی تھی جس میں انہوں نے اپنی گمشدگی کی تردید کرتے ہوئے کہا تھا ہے کہ وہ ڈی آئی خان میں رشتہ داروں سے ملنے آئے ہیں۔
