اسلام آباد(مانیٹرنگ ڈیسک)پاک فوج کے جعلی افسر بن کر شہریوں کو لوٹنے والا گروہ گرفتار۔نجی ٹی وی کے مطابق فراڈیے گروپ میں سات افراد شامل تھے جو کہ ٹیلیفون کالز کے ذریعے شہریوں کو اپنا تعارف پاک فوج کے افسر کے طور پر کرواتے اور لوگوں سے ان کے بینک اکاﺅنٹس اور شناختی کارڈز سمیت اہم معلومات حاصل کرتے تھے جبکہ وہ انہیں لاٹریوں اور انعامات کا لالچ بھی دیتے تھے ۔ ان کا ایک جملہ تو بہت ہی
مشہورہواتھا کہ ” آپ نے مردم شماری کروائی ہے “ ۔ تاہم اب یہ گروہ قانون نافذ کرنے والے اداروں کے ہتھے چڑھ گیا ہے ۔یہ گروہ فیصل آباد سے گرفتار ہواہے جن کے قبضہ سے موبائل فونز اور لیپ ٹاپس برآمد ہو ئے ہیں ، ایف آئی اے کی جانب سے کی گئی تحقیقات میں یہ بات سامنے آئی کہ یہ لوگ خود کو کیپٹن سبط حسن اور کرنل عامر کے نام سے متعارف کرواتے تھے ۔شہریوں نے اس گروہ کی گرفتاری پر سکھ کا سانس لیا ہے ۔
