لاہور ( این این آئی) پیپلز پارٹی کے چیئرمین بلاول بھٹو کے ترجمان سینیٹر مصطفی نواز کھوکھر نے کہا ہے کہ وزیر کا فون سننے میں تاخیر پر آئی جی اسلام آباد کا تبادلہ حیران کن ہے ،آئی جی اسلام آباد کو سزا دیکر بیورو کو پیغام ہے ۔ انہوں نے اپنے ردعمل کا اظہار کرتے ہوئے کہا کہ آئی جی اسلام نے وفاقی وزیر کے غیر قانونی حکم کی تعمیل نہیں کی ،وفاقی وزیر پولیس کو اپنے ذاتی جھگڑے
میں استعمال کرنا چاہتے تھے ۔انہوں نے کہا کہ نیازی اینڈ کمپنی کے تبدیلی کے دعوے بے نقاب ہو رہے ہیں۔واضح رہے کہ اس سے پہلے یہ خبر آئی تھی کہ آئی جی جان محمد کو وفاقی وزیر اعظم سواتی کا فون نہ سننے پرعہدے سے ہٹا دیا گیاتھا ،جبکہ وزارت داخلہ کی جانب سے اس کی تردید سامنے آئی تھی کہ آئی جی اسلام آباد کی تبدیلی کے معاملے کا اعظم سواتی کیساتھ کوئی تعلق نہیں ہے۔
