اسلام آباد(این این آئی)وفاقی وزیر قانون بیرسٹر فروغ نسیم نے کہا ہے کہ بدعنوانی سے متعلق نیا قانون لا رہے ہیں ٗ جس پر کام جاری ہے ٗ جلد پیش کر دیا جائیگا ٗتمام جماعتوں کوخوش دلی سے قانون کوقبول کرنا چاہیے ٗمعاملے پر سیاست نہیں ہونی چاہئے ٗعوام حکومت کی انسداد کرپشن مہم میں ساتھ دیں ٗ کرپشن کی معلومات دینے والے کی ریکوری کا 20 فیصد حصہ دیا جائے گا ٗ

نام صیغہ راز میں رکھے جائیں گے۔پریس کانفرنس کرتے ہوئے بیرسٹر فروغ نسیم نے کہا کہ ملک سے کرپشن کا خاتمہ کرنا چاہتے ہیں اور ہر قسم کی کرپشن کو روکنے کی ضرورت ہے۔انہوں نے کہا کہ بدعنوانی کیخلاف قانون کیلئے مختلف تجاویز آ رہی ہیں، تجاویز کو مکمل مشاورت کے بعد شامل کیا جا رہا ہے۔وزیر قانون نے کہا کہ کرپشن سے متعلق نئے قانون پر کام جاری ہے جسے جلد پیش کر دیا جائے گا۔انہوں نے کہا کہ تمام جماعتوں کوخوش دلی سے قانون کوقبول کرنا چاہیے اور اس معاملے پر سیاست نہیں ہونی چاہئے۔وفاقی وزیر قانون نے عوام سے اپیل کی کہ حکومت کی انسداد کرپشن مہم میں ساتھ دیں، کرپشن میں ملوث افراد سے متعلق معلومات فراہم کرنے والوں کے نام صیغہ راز میں رکھے جائیں گے۔انہوں نے کہا کہ کرپشن کی معلومات دینے والے کی ریکوری کا 20 فیصد حصہ دیا جائے گا۔وفاقی وزیر قانون نے کہا کہ وسل بلور ایکٹ تیار کر لیا ہے جسے جلد پارلیمنٹ سے منظور کروانے کی کوشش کریں گے۔انہوں نے کہاکہ کرپشن کی کسی بھی شکایت کا غیر جانبدارانہ کمیشن جائزہ لے گا۔ وفاقی وزیر قانون بیرسٹر فروغ نسیم نے کہا ہے کہ بدعنوانی سے متعلق نیا قانون لا رہے ہیں ٗ جس پر کام جاری ہے ٗ جلد پیش کر دیا جائیگا ٗتمام جماعتوں کوخوش دلی سے قانون کوقبول کرنا چاہیے ٗمعاملے پر سیاست نہیں ہونی چاہئے ٗعوام حکومت کی انسداد کرپشن مہم میں ساتھ دیں ٗ کرپشن کی معلومات دینے والے کی ریکوری کا 20 فیصد حصہ دیا جائے گا ٗ نام صیغہ راز میں رکھے جائیں گے۔