اسلام آباد(مانیٹرنگ ڈیسک)وزیر اعظم عمران خان گزشتہ دنوں سرمایہ کاری کانفرنس میں شرکت کیلئے سعودی عرب گئے تھے ۔جہاں سفید شلوار قمیض اور پشاوری چپل ان کی پہچان بن گئی۔وزیراعظم عمران خان نے پینٹ کوٹ پہننے کی بجائے قومی لباس پہن کر بین الاقوامی سرمایہ کاری کانفرنس میں شرکت کی اور بغیر پرچی کے پراعتماد انداز میں انگریزی میں خطاب کیا۔پاکستانی وزیراعظم اپنے ثقافتی ورثے کو اجاگر کرتے ہوئے بہت پرکشش لگ رہے تھے۔

بعض سیاسی مبصرین کے مطابق عمران خان نے پر اعتماد انداز میں کانفرنس سے خطاب کیا۔انہوں نے پچھلے 25سالوں میں پاکستانی کے کسی وزیراعظم کو عالمی فورم پر اس انداز میں خطاب کرتے نہیں دیکھا۔وزیر اعظم کے سعودی عرب میں پرتپاک استقبال اور بین الاقوامی سرمایہ کاری کانفرنس میں مرکزی خطاب نے دنیاکے سامنے پاکستان کا امیج بہتر بنانے میں مدد دی۔ واضح رہے کہ وزیر اعظم کا دورہ سعودی عرب کامیاب رہا  ،دونوں ممالک کے درمیان کئے معاہدے بھی ہوئے ہیں۔