کراچی (این این آئی) مقامی عدالت نے لڑکی کو حراساں اور مبینہ طور پر اغوا کرنے کے مقدمے میں آن لائن ٹیکسی ڈرائیور کی 10 ہزار روپے کی ضمانت منظور کرلی۔ کراچی سٹی کورٹ میں اسپیشل جوڈیشل مجسٹریٹ کے روبرو صدر تھانہ پولیس نے آن لائن ٹیکسی سروس کے ڈرایؤر کو پیش کیا۔ عدالت نے ملزم 55 سالہ ذوالفقار علی کی 10 ہزار روپے کے

عوض ضمانت منظور کرلی۔ پولیس کے مطابق ہفتے کے روز آن لائن ٹیکسی ڈرائیور کی جانب سے مبینہ اغوا کی کوشش پر لڑکی نے چلتی گاڑی سے شارع فیصل پر چھلانگ لگادی تھی۔ متاثرہ لڑکی 24 سالہ حریم میڈیکل کی طالبہ ہے۔ حریم نے گلشن اقبال بیت المکرم سے ڈیفنس جانے کے لیے آن لائن ٹیکسی کی خدمات حاصل کی تھیں۔ ڈرائیور نے اس الزام کو رد کیا اور کہا ہے کہ حریم نے خود اسے کہا کہ وہ عسکری چلے جس پر اس نے گاڑی کا روٹ تبدیل کیا۔

موضوعات:آن لائن ٹیکسی ڈرائیور