اسلام آباد (این این آئی)وزیر اطلاعات چوہدری فواد حسین سے آذربائیجان کے سفیر نے ملاقات کی ۔ آذر بائیجان کے سفیر نے کہاکہ آذربایجان پاکستان کوتوانائی کے شعبے میں سو ملین کریڈٹ دینے کیلئے تیار ہے۔ سفیر نے پاکستان کے ساتھ میڈیا اور انفارمیشن کے شعبوں میں تعاون پر زوردیا ور آذربائیجان اور پاکستان کے سرکاری ٹیلی ویژنز کے مابین باقاعدہ تعاون پر بات چیت کی ۔
وزیر اطلاعات و نشریات چوہدری فواد حسین نے کہا کہ پاکستان آذربائیجان کے ساتھ میڈیا اور انفارمیشن کے ساتھ ساتھ سیاحت کے شعبوں میں کام کرنے کا خواہاں ہے۔ وزیر اطلاعات چوہدری فواد نے کہا کہ پاکستان اپنے سیاحتی مقامات کی وجہ سے پوری دنیا میں خاص مقام رکھتا ہے ۔ چوہدری فواد حسین نے کہاکہ پاکستان کے شمالی علاقہ جات اپنی قدرتی خوبصورتی کی وجہ سے پوری دنیا کے سیاحوں کے لیے کشش رکھتے ہیں ۔چوہدری فواد حسین نے کہا کہ آذربایجان کے سیاحوں کو پاکستان میں بلند ترین پہاڑی سلسلہ اور خوبصورت مناظر دیکھنے کی دعوت دیتے ہیں ۔ چوہدری فواد نے کہاکہ پاکستان ان تین ممالک میں شامل ہے جس نے آذربایجان کی آزادی کو تسلیم کیا ۔چوہدری فواد نے کہاکہ ملاقات میں پاکستان سے آذربایجان کے درمیان براہ راست فلایٹ پر بات چیت کی گئی ۔چوہدری فواد حسین نے کہا کہ دونوں ممالک کے میڈیا وفود کے آپسی تبادلہ سے تعلقات مزید مضبوط اور لوگوں کو ایک دوسرے کوسمجھنے میں مدد ملے گی۔ سفیر نے وزیر اطلاعات کو باکو میں ہونے والی بین الاقوامی انسانی فورم کے نام سے کانفرنس میں آنے کی دعوت دی ۔سفیر نے کہا کہ آذربایجان پاکستان کے کشمیر پر مؤقف کی حمایت کرتا ہے ۔ آذر بائیجان کے سفیر نے کہاکہ آذربایجان پاکستان کوتوانائی کے شعبے میں سو ملین کریڈٹ دینے کیلئے تیار ہے۔ چوہدری فواد حسین نے کہا کہ پاکستان آذربائیجان کے ساتھ میڈیا اور انفارمیشن کے ساتھ ساتھ سیاحت کے شعبوں میں کام کرنے کا خواہاں ہے۔
