اسلام آباد (نیوز ڈیسک) پاکستان مسلم لیگ (ن) کے رہنماؤں کے خلاف نیب کی کارروائیوں پر اپوزیشن احتجاج کر رہی ہے، خصوصاً اپوزیشن لیڈر میاں شہباز شریف کی گرفتاری کے بعد احتجاج اور مذمتی بیانات کا سلسلہ جاری ہے، اس حوالے سے پیپلز پارٹی کے چیئرمین بلاول بھٹو اور دیگر قیادت نے بھی مذمت کی ہے، ڈاکٹر عامر لیاقت نے بلاول بھٹو کی جانب سے شہباز شریف کی گرفتاری پر مذمت
پر ایک معنی خیز دعویٰ کر دیا ہے، سماجی رابطے کی ویب سائٹ ٹوئٹر پر انہوں نے اپنے پیغام میں لکھا کہ بلاول کہتے ہیں کہ ضمنی انتخابات سے پہلے شہباز شریف گرفتار کئے جائیں گے تو شک تو ہوگا….درست! میں کہتا ہوں کہ عام انتخابات سے قبل آپ کی والدہ شہید کردی جائیں، وصیت آپ کے والد کو اچانک مل جائے اور وہ صدر پاکستان بھی بن جائیں تو بے بی شک تو ہوگا۔
