اسلام آباد ( آن لائن) مسلم لیگ ن کے رہنما رانا محمد افضل خان وزیر اعظم عمران خان اور و زیر خزانہ کے درمیان روابط کا فقدان ہے اور اسد عمر کو کام نہیں کرنے دیا جارہا، اگر اسد عمرکوکام کرنے نہیں دیا جائیگا تو ملک اور ڈوب جائیگا۔نجی ٹی وی کے پر وگرام میں گفتگو کرتے ہوئے رانا محمدا فضل خان نے کہا کہ

وفاقی وزیر اطلاعات نے جس طر ح گفتگو کی ہے  اس طرح ڈکٹیٹر کیا کرتے تھے۔ انہوں نے کہا کہ تحریک انصاف کی حکومت اگر سمجھتی ہے کہ ان کے مرکز کے کام ختم ہوگئے ہیں اور اب انہوں نے صوبوں میں جاکر مداخلت کرنی ہے تو یہ ان کی غلط فہمی کی انتہاہے، صوبوں میں مداخلت کرنے سے مرکز کے معاملات بھی تحریک انصاف کے ہاتھ سے نکل جائیں گے اور ان کے اقدامات پر ردعمل بھی آئے گا۔ انہوں نے کہا کہ تحریک انصاف نے ہمارے سے دوگنا ڈکٹیٹر کے ساتھیوں کو اپنے ساتھ رکھاہواہے،وزیر اعظم عمران خان اور و زیر خزانہ کے درمیان روابط کا فقدان ہے اور اسد عمر کو کام نہیں کرنے دیا جارہا، اگر اسد عمرکوکام کرنے نہیں دیا جائیگا تو ملک اور ڈوب جائیگا۔ انہوں نے کہا کہ ہم سے غلطی یہ ہوئی کہ ہم ان کے لئے 16ارب ڈالر چھوڑ کرگئے تھے ،ہم دس ارب ڈالر آئی ایم ایف کو واپس کردیتے اور چھ ارب ڈالر چھوڑ کرجاتے جتنا ہم کو ملا تھا ، ہم تو اتنے ارب ڈالر اپنے لئے چھوڑ کرگئے تھے لیکن خلائی مخلوق نے تحریک انصاف کی حکومت بنادی۔