لاہور ( این این آئی) پنجاب میں میٹرو بسوں کے کرایے ریشنلائز کرنے کا فیصلہ کر لیا گیا ۔ اس حوالے سے وزیر خزانہ پنجاب مخدوم ہاشم جواں بخت نے کہا کہ لاہور، ملتان اور راولپنڈی کی میٹرو بسوں پر سالانہ 12ارب روپے کی سبسڈی دی جا رہی ہے، کرایے ریشنلائز کرنے سے عوام پر بوجھ بھی نہیں پڑے گا اور حکومتی سبسڈی میں بھی کمی آئیگی۔جبکہ شاہدرہ سے گجو متہ چلنے والی میٹرو بس
کے کرایے سٹاپ ٹو سٹاپ مقرر ہونگے۔ انہوں نے کہا کہ چھوٹی امپورٹڈ گاڑیوں کی رجسٹریشن فیس میں کمی جبکہ بڑی گاڑیوں کی فیس بڑھائی گئی ہے، کاشکاروں کیلئے آسان شرائط پر قرضے دیئے جائیں گے۔وزیر خزانہ نے کہا کہ عوام کو مفت علاج کیلئے ہیلتھ انشورنس کارڈ دیئے جائیں گے، عمران خان کے ویژن کے مطابق نوجوانوں کو روزگار دینے کیلئے جامع پروگرام تیار کر لیا گیا ہے۔
