لاہور(آئی این پی) سابق وزیر اعظم شاہد خاقان عباسی نے کہا ہے کہ ہم نے پر ویز مشرف کا احتساب بھگتا ہے نیا زی تو ابھی کل کا بچہ ہے ہم تحمل کی سیاست کرتے ہیں لیکن اگر ضرورت پڑی تو عمران خان کے خلاف ’’لاہوری اسٹائل ‘‘میں مقابلہ کریں گے ‘عمران خان جعلی وزیر اعظم ہے اور ضمنی انتخابات نے ثابت کر دیا وہ عوام کا اعتماد کھو چکا ہے ’نوازشر یف آج بھی پاکستان کا سب سے بڑا قومی لیڈر ہیں ‘ہم پار لیمنٹ میں تحر یک انصاف والوں سے قوم پر کیے جانیوالے

ایک ایک ظلم کا حساب لیا جائیگا ۔ اتوار کو لاہور میں ضمنی انتخابات میں اپنی کامیابی کے بعد میڈیا سے گفتگو اور کارکنوں سے خطاب میں سابق وزیر اعظم شاہد خاقان عباسی نے کہا کہ شر م کی بات ہے ہم الیکشن کمیشن نے الیکشن کے معاملے پر بات کر نیوالوں کو ٹی وی پروگراموں میں نہ بلانے کی ہدایت جاری کردی ہے ہم چاہتے ہیں الیکشن کمیشن ہمارے سوالوں کا جواب دیں اور بتائے 25جولائی کو عام انتخابات میں ہونیوالی دھاندلی میں کون کون ملوث ہے ۔ انہوں نے کہا کہ پولنگ اسٹیشن کا انچارج پر ائز یڈ نگ ہوتا مگر میرے حلقے میں پر ائز یڈ نگ آفیسر کے اختیار ا ت کسی اور کے پاس رہے اس کو دھاندلی کہتے ہیں ا ور ایسے معاملات ملکوں کو تباہ کر رتے ہیں ۔ انہوں نے کہا کہ ہم ووٹ کو عزت دو کے نعرے پر قائم ہیں اور ووٹ کی عزت کیلئے ہر فورم پر جنگ لڑ یں گے اور کوئی شک نہیں کہ نوازشر یف ہی پاکستان کے لیڈر ہیں اور الیکشن کمشنر کے پاس ایک ہی راستہ ہے اگر اس کے پاس سوالوں کے جواب نہیں تو وہ استعفیٰ دیں ۔ انہوں نے کہا کہ شہبا زشر یف کو گر فتار کر نیوالوں نے پیغام دیا ہے جو بھی حکومت کے خلاف بولے گا اس کو گرفتار کرلیں گے عمران خان سمیت جس نے بھی احتساب کر نا ہے وہ کر لیں ہم سامنا کر یں گے نوازشر یف کے خلاف جو مقدمات بنے ہیں اور شہبا زشر یف جن مقدمات میں گر فتار ہوئے ان میں ایک روپے کر پشن ثابت نہیں صرف ان کو انتقام کا نشانہ بنایا جارہا ہے ۔انہوں نے کہا کہ لاہور کے عوام نے مجھ پرجس اعتماد کا اظہار کیا ہے اس کو الفاظ میں بیان نہیں کر سکتا اس ملک کے مسائل صرف نوازشر یف حل کر سکتا ہے عمران خان اور انکی ٹیم ملکی مسائل حل نہیں کرسکتی صرف تباہی اور بر بادی کرسکتے ہیں ۔