جھنگ (مانیٹرنگ ڈیسک) 13 سالہ بچی سے نازیبا حرکات کرنے والے استاد کی ویڈیو سوشل میڈیا پر وائرل ہوئی تو لوگوں میں غم و غصے کی لہر دوڑ گئی، لوگوں نے اس بے حس انسان کو گرفتار کرکے قرار واقعی سزا دینے کا مطالبہ کر دیا، جس پر پولیس نے اس استاد کو گرفتار کر لیا،

پولیس ذرائع کا کہنا ہے کہ دو ماہ قبل جھنگ کے موضع کلکرائی میں ایک مدرسہ کے استاد انوار القمر نے 13 سالہ طالبہ سے نازیبا حرکات کیں جس کی اس نے ویڈیو بھی بنائی، اس استاد کا موبائل فون کہیں گم ہو گیا تو جس شخص کو یہ موبائل ملا اس نے یہ ویڈیو سوشل میڈیا پر اپ لوڈ کرکے وائرل کردی، اب گرفتار کیے گئے اس استاد کی اعترافی ویڈیو بھی سامنے آ گئی ہے، اس ویڈیو میں اس شخص نے کہا کہ وہ مسجد سیدنا علی مرتضیٰ میں پڑھاتا تھا اور اس کے پاس کل 60 بچے تعلیم حاصل کرنے کے لیے آتے تھے، ان بچوں میں 25 سے 30 کے قریب لڑکیاں بھی تھیں۔ اس نے بتایا کہ ویڈیو میں نظر آنے والی بچی کا نام (ش) تھا جو وہاں قریب ہی رہتی تھی اور جو کچھ ویڈیو میں ہے، میں نے اس کے ساتھ صرف وہی کچھ کیا ہے۔ جب ویڈیو بنانے والے نے اس استاد سے سوال کیا کہ آپ کی نیب خراب تھی، جس پر اس نے انتہائی بے شرمی سے کہا کہ میری نیت خراب نہیں تھی کیونکہ اگر ایسا ہوتا تو میں اس بچی کے ساتھ بد اخلاقی کرتا لیکن میں نے ایسا نہیں کیا اور جو کچھ ویڈیو میں ہے اس کے علاوہ کچھ بھی نہیں ہوا۔ استاد نے بتایا کہ وہ ویڈیو میں نے خود بنائی تھی لیکن بعد میں ڈیلیٹ کر دی تھی لیکن پتہ نہیں وہ کیسے بچ گئی اور انٹرنیٹ پر بھی آ گئی اور بچی کے گھر والوں کو بھی اس بارے میں کچھ پتہ نہیں ہے۔ واضح رہے کہ ملزم استاد انوار الحق ویڈیو وائرل ہونے کے بعد جھنگ سے نکلنے میں کامیاب ہو گیا تھا لیکن پولیس نے اسے لاہور سے گرفتار کر لیا۔