اسلام آباد(مانیٹرنگ ڈیسک)قندیل بلوچ قتل کیس میں اہم موڑ ، ماڈل گرل کے والدین نے مرکزی ملزم اپنے بیٹے وسیم کو معاف کرنے کےلئے بیان حلفی عدالت میں جمع کرادیا ۔تفصیلات کے مطابق سوشل میڈیاسے شہرت کی بلندیوں کو چھونے والی ماڈل گرل قندیل بلوچ قتل کیس میں اہم موڑ آگیا ہے اور قندیل کے والدین نے قتل کیس کے مرکزی ملزم اپنے بیٹے وسیم کو معاف کرنے کیلئے عدالت میں بیان حلفی جمع کرا دیا ہے۔ واضح رہے کہ ملتان کی ماڈل گرل
قندیل بلوچ کو 15 جولائی 2016ء کی شب اس کے بھائی وسیم نے اپنے کزن حق نواز کے ساتھ مل کر غیرت کے نام پر قتل کر دیا تھا۔قتل کا مقدمہ قندیل کے والد عظیم کی مدعیت میں تھانہ مظفر آباد میں درج کیا گیا تھا جس پر آج قندیل کے والد نے اپنے بیٹے کو قتل کے مقدمہ میں معاف کرنے کا بیان حلفی جمع کروا دیا ہے ۔ڈسٹرکٹ اینڈ ایڈیشنل سیشن جج سردار اقبال ڈوگر نے ملزم کی درخواست پر فیصلہ سناتے ہوئے ملزم وسیم کی درخواست ضمانت خارج کر دی ہے۔
