لندن /لاہور(آئی این پی ) سابق وزیراعلیٰ پنجاب میاں شہباز شریف بیگم کلثوم نواز کی میت کو لے کر آج(جمعہ) کی صبح لاہور پہنچیں گے۔نجی ٹی وی کے مطابق شہباز شریف بیگم کلثوم نواز کی میت کو لے کر آج بروز جمعہ لاہور پہنچیں گے۔کلثوم نواز کی میت ایئرپورٹ سے جاتی امرا منتقل کرنے کے لئے انتظامات کر لیے گئے ہیں۔ کلثوم نواز کی میت جہاز سے ایمبولینس میں منتقل کی جائے گی۔

شریف فیملی کے افرادآصف بیگ مرزا،خدیجہ مرزا،سائرہ صالح بھی ان کے ہمراہ تھے جبکہ مسلم لیگ(ن)کے رہنمااعجازگل،صائمہ طارق،نرگس بٹ بھی لندن سے لاہور روانہ ہوئے۔میت کے ساتھ آنے والے 13 عزیزوں کو حج ٹرمینل پر پہنچایا جائے گا جس کے بعد فیملی کے پانچ افراد جن میں میت لینے کیلئے ایپرن تک جائیں گے، سات گاڑیاں اور ایک ایمبولینس ایئرپورٹ کے اندر جاسکیں گی ۔مسافروں کی امیگریشن اور کسٹم حج ٹرمینل پر ہو گا۔ اس موقع پر پنجاب حکومت کے تین افسران شریف فیملی کو سہولت فراہم کرنے کے لئے موجود ہوں گے۔دوسری جانب نواز شریف، مریم نواز اور محمد صفدر کے پیرول رہائی میں 5 روز کی توسیع کر دی گئی ہے، انھیں 12 ستمبر سے 17 ستمبر شام 4 بجے تک پیرول پر رہائی مل گئی ہے۔ محکمہ داخلہ پنجاب نے باقاعدہ نوٹیفکیشن جاری کر دیا ہے۔اس سے قبل بیگم کلثوم نواز کی نمازِ جنازہ لندن کے ریجنٹ اسلامک سینٹر میں ادا کی گئی جس میں صدر مسلم لیگ ن شہباز شریف، حسین نواز، حسن نواز، اسحاق ڈار، چودھری نثار، لیگی کارکن اور برطانیہ میں مقیم پاکستانیوں نے بڑی تعداد میں شرکت کی۔ ایک اندازے کے مطابق بیگم کلثوم نواز کی نمازِ جنازہ میں 8 ہزار کے لگ بھگ افراد شریک ہوئے۔ سابق وزیراعلیٰ پنجاب میاں شہباز شریف بیگم کلثوم نواز کی میت کو لے کر آج(جمعہ) کی صبح لاہور پہنچیں گے۔نجی ٹی وی کے مطابق شہباز شریف بیگم کلثوم نواز کی میت کو لے کر آج بروز جمعہ لاہور پہنچیں گے۔کلثوم نواز کی میت ایئرپورٹ سے جاتی امرا منتقل کرنے کے لئے انتظامات کر لیے گئے ہیں۔

موضوعات:بیگم کلثوم نواز کی میت