اسلام آباد(آئی این پی )مسلم لیگ (ن) کی رہنما مریم نواز جنہیں بیگم کلثوم نواز مرحومہ پیار سے گڑیا کہہ کر بلاتی تھیں نے 13جولائی کو اپنے والد میاں نوازشریف کے ہمراہ لندن سے وطن واپسی کے موقع پر ایک نجی ٹی وی چینل کو اپنا انٹرویو دیا تھا جس میں اپنی والدہ کی بیماری کا احوال بیان کرتے ہوئے مریم نواز نے کہا تھا

اماں آپ کی وہی گڑیا ہوں جس کے بارے میں آپ کہتی تھیں کہ تمہارے آنسو یہاں پڑے ہوتے ہیں ،میں اب بہت بہادر ہوگئی ہوں ۔ مریم نواز نے بتایا کہ جس دن والد میاں نوازشریف کے ہمراہ وہ لندن والدہ کی عیادت کیلئے جا رہی تھیں ہیتھرو ایئرپورٹ پر جب جہاز اترا تو بھائی حسن نواز کا فون آیا کہ آپ لوگ گھر پر آنے کی بجائے سیدھے ہسپتال پہنچ جائیں ، والدہ کا بلڈ پریشر بہت کم ہوگیا ہے جس پر والدہ کو ہسپتال پہنچادیا ہے ،والد صاحب نے پوچھا کیا مسئلہ ہے تو انہیں بتایا گیا کہ طبیعت خراب ہوئی ہے ۔جیسے ہی ہم ہسپتال پہنچے تو بھائیوں نے بتایا کہ طبیعت خراب ہے اور ان کی آنکھوں میں ہم نے آنسو دیکھے تو انہوں نے بتایا کہ والدہ کو ہارٹ اٹیک ہوا ہے اور بتایا کہ وہ بے ہوش ہیں اور ڈاکٹرز نے کہا ہے ہم کچھ نہیں کرسکتے آپ دعا کریں ۔و ہ میرے لیے ایک تکلیف دہ لمحہ تھا ، پورا مہینہ نہ آنکھیں کھولیں ،نہ ہم سے بات کی ، وینٹی لیٹر پر رہیں ،ابو اور میں انہیں آوازیں دیتے رہے اور یہی دعا کرتے رہے کہ پاکستان جانے سے پہلے وہ ہم سے بات کر لیں ۔ اسی اثنا عدالت کا ہمارے خلاف فیصلہ بھی آگیا ،واپسی پر انہوں نے اچانک کھولیں ۔(ن م)