اسلام آباد (این این آئی)سابق وزیراعلیٰ پنجاب اور اپوزیشن لیڈر شہبازشریف نے کہا کہ محترمہ کلثوم نواز کی وفات سے بے حد صدمہ ہوا، فلائٹ دستیاب ہونے پر ہی لندن روانہ ہوں گا ۔انہوں نے کہا کہ کلثوم نوازنے ماں،بہن،بیٹی اوراہلیہ کے طورپرمثالی کرداراداکیا،مشکل ترین حالات میں بیگم کلثوم نوازنے مصائب کاڈٹ کرمقابلہ کیا۔خاندانی ذرائع نے تصدیق کی کہ کلثوم نواز کی تدفین پاکستان میں ہوگی ،انہیں لاہور میں سپرد خاک کیا جائیگا ۔بیگم کلثوم نواز لندن کے ہارلے اسٹریٹ کلینک میں تقریباً ایک سال 25دن تک زیرعلاج رہیں،

انہیں 17اگست 2017ء کو علاج کیلئے لندن لے جایا گیا تھا جہاں 22اگست کو گلے کے کینسر کی تشخیص ہوئی تھی ۔ن لیگ کے سینیٹر آصف کرمانی نے کہا کہ کلثوم نواز عظیم محب وطن ،شفیق اور نیک سیرت خاتون تھیں مان کے انتقال کی خبر سے دکھ ہوا ،کیا ہوجاتا اگر نوازشریف ایک ماہ کلثوم نواز کی عیادت و خدمت کرلیتے ؟انہوں نے کہا کہ نوازشریف اور مریم نواز کو بیگم کلثوم نواز سے دور رکھا گیا ،وہ گزشتہ ایک سال سے بیمار تھیں ٗاحسن اقبال نے بیگم کلثوم نواز کے انتقال کی خبر کو بڑا صدمہ قرار دیا ۔