اسلام آباد(مانیٹرنگ ڈیسک)اعتزازاحسن نے شریف فیملی سے معافی مانگ لی۔نجی ٹی وی کے مطابق پیپلزپارٹی کے مرکزی رہنماء اعتزاز احسن نے شریف خاندان سےبیگم کلثوم نواز کی بیماری سے متعلق پروپیگنڈا کرنے پرمعافی مانگ لی ہے۔ ان کا کہنا ہے کہ میری وجہ سے شریف خاندان کی دل آزاری ہوئی۔میں نے بیگم کلثوم نواز کی بیماری سے متعلق شریف خاندان کی دل آزاری کی تھی۔ واضح رہے پیپلزپارٹی کے مرکزی رہنماء اعتزاز احسن نے اس

وقت اس بات پر بیانات دیے تھے کہ ہارلے اسٹریٹ کلینک شریف فیملی کا اپنا کلینک ہے ، ان کا جوبھی فرد بیمار ہوتا ہے اس کووہاں منتقل کردیا جاتا ہے۔ اس بیان پرشریف فیملی کی کافی دل آزاری ہوئی تھی تاہم آج بیگم کلثوم نواز کے انتقال پر اعتزاز احسن نے معافی مانگ لی ہے۔یاد رہے کہ اسی بیان کی بنا پر ن لیگ کی جانب سے صدارتی الیکشن میں اعتزاز احسن کی حمایت نہیں کی گئی تھی اور اپوزیشن اپنا مشترکہ صدارتی امیدوار کھڑا کرنے میں ناکام رہی ۔