لاہور (این این آئی) انویسٹی گیشن پولیس صدر ڈویژن نے قتل اورنوسربازی کی سنگین وارداتوں میں ملوث 3گروہوں کے9ملزموں کو گرفتار کرملزمان کے قبضہ سے لاکھوں روپے مالیت کا مال مسروقہ اور ناجائز اسلحہ برآمدکر لیا۔اِن خیالات کا اظہارایس پی صدر راشد ہدایت نے تھانہ گرین ٹاؤن میں ایک پریس کانفرنس کے دوران الیکٹرانک اور پرنٹ میڈیا کے نمائندوں سے گفتگو کر تے ہوئے کیا ۔
اُنہوں نے کہا کہ انویسٹی گیشن کی ٹیمیں قتل ،نوسربازی اوردیگر وارداتوں کی روک تھام اور ان کے سدباب کے لیے انویسٹی گیشن ونگ کی سپیشل ٹیمیں جرائم پیشہ افراد کے خلاف سر گرم عمل ہیں۔ انہوں نے بتایا کہ تھانہ ٹاؤنشپ کے انچارج سب انسپکٹر محمد ندیم نے چند ماہ قبل اغواء ہونے کے بعد قتل کرنے والے مقتول محمد عامرکے ملزم اس کے دوست یسین اور اس کے بھائی ثناء اللہ نے چھریوں کے وار کر کے قتل کر دیا تھا۔ ملزمان نے انکشاف کیا کہ وہ موچی پورہ میں ٹریکٹر ٹرالی پر ریت بجری کا کام کرتا ہے تو اس نے اپنے دوست محمد عامر کو ٹریکٹر ٹرالی پر کام لگوانے کے بہانے شیخوپورہ بلایا اور ملزمان نے عامر کو کھیتوں میں لے جا کر قتل کر کے اس کی نعش قریبی نالے میں پھینک کر فرار ہو گئے۔ انہوں نے مزید بتایا کہ انچارج انویسٹی گیشن سندر سب انسپکٹر محمد اکرم نے لڑائی جھگڑے کے دوران اپنے مزدورساتھی امتیاز احمدکو قتل کرنے والے ملزم دلبر حسین کو گرفتار کر لیا۔ امتیاز احمد اور دلبر حسین فیکٹری میں مزدوری کرتے تھے اور لوڈنگ کے ٹھکیدار تھے ۔ ان کا آپس میں کسی بات پر جھگڑا ہو ا جس پر ملزم دلبر حسین نے لکڑی کا بالا مار کر امتیاز احمدکو قتل کر اپنے آبائی گاؤں چشتیاں فرار ہو گیا۔ پولیس نے ٹریس کر کے ملزم کو اس کے آبائی گاؤں چشتیاں سے گرفتار کر لیا۔اسی طرح تھانہ سبزہ زار کے انسپکٹر زبیر اختر نے بذریعہ میسج لوگوں کو انعام کا لالچ دے کر لوٹنے والے گینگ کے 6ملزما ن محمدسلیم ، محمد عیسی،قمر،عمران،غلام عباس اور ثقلین کو گرفتار کرلیا۔
ملزمان لوگوں کو بذریعہ فون میسج دیتے کہ آپ کا انعام(جیتو پاکستان،بینظیر انکم سپورٹ پروگرم) وغیرہ نکلا ہے آپ ہمیں ایزی پیسہ کے ذریعے رقم بھجوائیں جو لوگ رقم کی لالچ میں آکر رقم سینڈ کر دیتے ہیں ۔ ملزمان کے قبضہ سے موبائل فون،نقدی ،لیپ ٹاپ اور لاکھوں روپے مالیتی کا مال مسروقہ وگاڑی برآمد۔ دوران تفتیش ملزمان نے 7وارداتوں کا انکشاف کیا ہے۔ ملزمان سے مزید تفتیش جاری ہے۔ آخر میں ایس پی انویسٹی گیشن صدر راشد ہدایت نے سنگین وارداتوں میں ملوث گروہوں کی گرفتاری پر پولیس ٹیموں کو شاباش دی اورتعریفی اسناد تقسیم کیں۔
