لاہور (آن لائن) حکومت پنجاب کے ترجمان نے کہا ہے کہ اوورسیز پاکستانیز کمیشن پنجاب کو تحلیل کرنے کی خبرقطعی بے بنیاد ہے ۔ترجمان نے کہا کہ اوورسیز پاکستانیز کمیشن پنجاب موجودہ عمارت میں ہی کام جاری رکھے گااور نامز د گورنر چودھری محمد سرور کی تجاویز کو مد نظر رکھتے ہوئے کمیشن کو مزید فعال بنایا جائے گا۔ترجمان نے کہا کہ وزیر اعلیٰ پنجاب
سردار عثمان بزدار نے بھی اوورسیز پاکستانیز کمیشن پنجاب کو مزید فعال اور متحرک بنانے کی ہدایت کی ہے۔ترجمان نے کہا کہ کمیشن اوورسیز پاکستانیز کے مسائل کے حل میں اہم کردار ادا کر رہا ہے اورموجودہ حکومت اوورسیز پاکستانیز کے مسائل کے حل میں ہر ممکن اقدامات کرے گی کیونکہ کمیشن کو اوورسیزپاکستانیز کے مسائل کے حل میں بڑی اہمیت حاصل ہے ۔
