اسلام آباد (این این آئی) میٹروبس منصوبہ بند کرنے کا کوئی فیصلہ نہیں کیا گیا یہ بات وزیر اطلاعات و نشریات فواد چودھری نے میڈیا کو بتائی ۔ انہوں نے کہا کہ وفاقی کابینہ کے اجلاس میں لاہور کا میٹروبس منصوبہ بند کرنے کا کوئی فیصلہ نہیں کیا گیا بلکہ وزیر عظم عمران خان نے میٹرو ٹرین منصوبوں کو جلد از جلد مکمل کرنے کی ہدایت کی ہے۔ انہوں نے کہا کہ تاہم میگا پروجیکٹس میں بہت بڑی کرپشن کے خدشات ہیں، اورنج ٹرین منصوبے کے ساتھ ساتھ
تمام منصوبوں کا فورنزک آڈٹ کرایا جائے گا۔دریں اثناء وفاقی وزیر اطلاعات ونشریات فواد چوہدری نے کہاہے کہ آئندہ سے چیف جسٹس،سپیکر قومی اسمبلی، چیئرمین سینیٹ اور وزیر خارجہ بھی اکنامی کلاس میں سفر کریں گے۔ انہوں نے یہ بات وفاقی کابینہ کے اجلاس کے بعد میڈیا کو بریفنگ دیتے ہوئے بتائی ۔وزیر اطلاعات نے کہاکہ وزیر اعظم نے اپنا خصوصی جہاز استعمال نہ کرنے کا نہ صرف اعلان کیا ہے بلکہ فرسٹ کلاس میں بھی سفر نہ کرنے ک فیصلہ کیا ہے۔
