راولپنڈی (آئی این پی ) عوامی مسلم لیگ کے سربراہ شیخ رشید نے کہا ہے کہ جی حضوری کرنے والا ٹولہ اپنے انجام کوپہنچا، عدالت کے فیصلے کے بعد سب لوگ احتیاط برتیں گے، نوازشریف نے جن لوگوں کو رکھا ان میں کوئی قابلیت نہیں ، یہ سزا کو بھی اعزاز سمجھتے ہیں ۔ توہین عدالت کیس میں ن لیگی رہنما طلال چوہدری کی نااہلی پر ردعمل کا اظہار کرتے

ہوئے عوامی مسلم لیگ کے سربراہ شیخ رشید نے کہا کہ جی حضوری کرنے والا ٹولہ انجام کو پہنچا،ان لوگوں کو وزارتیں گالیاں دینے پر ملیں ، عدالت کے فیصلے کے بعد سب لوگ احتیاط برتیں گے۔شیخ رشید نے کہا کہ نوازشریف نے جن لوگوں کو رکھا ان میں کوئی بات نہیں ، ان لوگوں کی کوئی قابلیت نہیں ہے، یہ سزا کو بھی اعزاز سمجھیں ،جس میں جتنا ظرف ہو اتنی بات کرتا ہے۔