اسلام آباد(مانیٹرنگ ڈیسک ) پاکستان مسلم لیگ (ن)کے رہنما طلال چودھر ی نے کہا ہے کہ توہین عدالت کیس کئی ماہ چلتارہا، مجھے سزا دینے سے عدالت کا وقار بلند ہوا ہے، مجھے سزا دینے سے عدالت کی عزت میں اضافہ ہوا ہے تو مجھے یہ سزا قبول ہے،کیس اور مخالفین کی مہم سے میراالیکشن متاثرہو ا، میرا تعلق اس جماعت ہے جس کے قائد کو بھی سزا سنائی گئی ۔ جمعرات کو توہین عدالت کیس میں عدالت برخاست ہونے تک کی سزا پوری کرنے کے بعد میڈیا سے گفتگو کرتے ہوئے مسلم لیگ (ن)کے رہنما طلال چودھر ی نے کہا کہ میرے

خلاف توہین عدالت کے کیس اور مخالفین کی مہم سے میراالیکشن متاثرہوا لیکن اس کے باوجودووٹ ملے،میرے خلاف توہین عدالت کیس کئی ماہ چلتارہااور اگر اس کیس میں مجھے سزا دینے سے عدالت کا وقار بلند ہوا ہے تو مجھے یہ سزا قبول ہے ۔انہوں نے کہا کہ میرا تعلق اس جماعت ہے جس کے قائد کو بھی سزا سنائی گئی،جب جدوجہد کی جاتی ہے تو ہر بات ذہن میں رکھی جاتی ہے ،انتخابات کے دوران بھی یہ کیس چلتا رہا اوراس لٹکتی تلوار سے میرے حلقے کے لوگ کنفیوزتھے جبکہ میرے مخالفین میرے خلاف مہم چلاتے رہے ۔

موضوعات:طلال چوہدری