اسلام آباد ( آن لائن ) الیکشن میں پاکستان تحریک انصاف کی واضع اکثریت حاصل کرنے کے بعد ممکنہ وزیر اعظم عمران خان کے ساتھ سفیروں کی ملاقات کا سلسلہ جاری ہے۔ پاکستان میں تعینات متعدد سفیروں کی بنی گالہ میں عمران خان سے ملاقات کی گئی۔ چین، سعودی عرب، متحدہ عرب امارات ، ایران کے سفیروں نے عمران خان کے ساتھ ملاقات کے دوران اپنے ملک کی جانب سے مکمل تعاون کی یقین دہائی کروائی ۔ تفصیلات کے مطابق
پاکستان تحریک انصاف الیکشن 2018ء میں واضع برتر ی حاصل کرنے کے بعد مرکز اور صوبوں میں حکومت بنانے کیلئے سرگرم ہے ، ممکنہ طور پر پارٹی کے چیئرمین عمران خان پاکستان کے آئندہ وزیر اعظم بننے جارہے ہیں۔ عمران خان کے ممکنہ وزیر اعظم بننے کے پیش نظر مشرق وسطی کے ممالک نے پاکستان تحریک انصاف کے ساتھ مکمل تعاون کی یقین دہائی کروائی گئی ہے۔ جمعہ 27 جولائی کو سعودی عرب کے سفیر نواف سعید الماکی نے بنی گالہ میں عمران خان کے ساتھ ملاقات کے دوران سعودی عرب کی جانب سے مکمل تعاون کی یقین دہائی کروائی۔ انہوں نے خطے میں امن وامان اور پاکستان کے ساتھ دیرینہ تعلقات کے پیش نظر نئی حکومت کے ساتھ کام کرنے کے عزم کا اظہا رکیا۔اس کے علاوہ ایران کے سفیر مہدی ہنردوست نے بھی عمران خان کی رہائش گا ہ پر ان سے ملاقات کی ۔ جبکہ چین کے سفیر یاؤجنگ نے بھی دونوں ممالک کے ساتھ باہمی تعاون کو فروغ دینے کیلئے یقین دہانی کروائی ۔ جبکہ متحدہ عرب امارا ت کے سفیر حماد عبید ابراہیم سلام الذابی نے بھی گزشتہ روز پاکستان کے متوقع وزیر اعظم سے انکی رہائش گاہ بنی گالہ میں ملاقات کی۔ جبکہ بھارت ، افغانستان ، مالدیب اور دیگر ممالک کے سربراہوں نے ٹیلی فون پر
عمران خان کو الیکشن میں واضع اکثریت حاصل کرنے پر مبارک باد پیش کی اور نئی حکومت کے ساتھ مکمل تعاون کی پیشکش کی۔واضع رہے کہ امریکہ ،برطانیہ ، روس اور یورپی ممالک کے کسی نمائندے نے عمران خان سے ابھی تک رابطہ نہیں کیا ۔ ان ممالک کی جانب سے جاری کردہ بیانات میں پاکستان میں بننے ولی نئی حکومت کے ساتھ تعاون کرنے کااعادہ کیا ہے۔۔ شمیم محمود۔۔۔۔ نامہ نگار
