اسلام آباد ( آ ن لائن ) پاکستان میں عام انتخابات کے بعد پاکستان تحریک انصاف کی کامیابی بین الاقوامی میڈیا کو ہضم نہ ہوسکی۔ پارٹی کے سربراہ عمران خان کی کردار کشی اور پی ٹی آئی کے خلاف تحریک جاری ہے۔ سال 2018ء میں ہونے والے عام انتخابات میں دھاندلی کی خبریں شائع کرنے کے ساتھ فوج کے ملوث ہونے کے الزامات عائد کیے جارہے ہیں۔ تفصیلات کے مطابق چند دن قبل ہونے والے عام انتخابات کے بعد پاکستان تحریک انصاف نے واضع

برتری حاصل کی جس کے بعد پی ٹی آئی کی قیادت صوبوں اور وفاق میں حکومت سازی کیلئے کام کررہی ہے ۔ تاہم عام انتخابات کے بعد پی ٹی آئی کی کامیابی بین االاقوامی میڈیا کو ہضم نہ ہوسکی اور الیکشن کے فورا بعد جیتنے والی پارٹی کے سربراہ سمیت الیکشن کے نتائج کے بارے میں دھاندلی کی خبریں شائع کردی گئی۔ بھارتی میڈیا (انڈیا ٹوڈے) نے نہ صرف الیکشن کے نتائج کو بددھاندلی کا الزام عائد کردیا بلکہ عمران خان پر طالبان خان کے نام سے منسوب کیا ۔ اس کے علاوہ برطانیہ ، امریکہ اور دیگر ممالک کے بڑے اخبارات نے عمران خان کی تصاویر نمایاں طور پر شائع کرتے ہوئے الیکشن میں بد ترین دھاندلی قراردیا گیا۔معرو ف برطانوی اخبار دی ٹیلی گراف لکھتا ہے کہ عمران خا ن نے ملٹری کی حمایت سے عام انتخابات میں واضع برتری حاصل کرلی۔ جس کے بعد وہ 22کروڑ سے زیادہ آبادی والے ملک کا وزیر اعظم بننے جارہا ہے۔ برطانوی اخبار نے مزید لکھا ہے کہ عمران خان کو حکومت سنبھالتے ہوئے معاشی مسائل پر قابوپانے کے ساتھ ملک میں اپوزیشن جماعتوں کی جانب سے احتجاج کا بھی سامنا ہوگا۔ امریکہ کے اخبار واشنگٹن پوسٹ نے بھی عمران خان کے بارے میں مشکوک انداز میں پیش کیا ہے۔ واشنگٹن پوسٹ کی جاری ہونے والی رپورٹ کے مطابق پاکستان میں ہونے والے عام انتخابات میں پاکستان تحریک انصاف نے ملٹری کی مدد سے کامیابی حاصل کی ہے۔البتہ نیویارک ٹایمز میں شائع ہونے والی خبر میں پاکستان کیلئے امید کی نئی کرن کے طور پر پیش کیا گیا ہے۔۔۔۔۔۔۔۔۔۔۔ شمیم محمود