اسلام آباد(آ ئی این پی)سندھ کے بزرگ سیاسی رہنما ممتاز بھٹو کو پاکستان تحریک انصاف کی حکومت میں اہم ذمے داری سونپے جانے کاامکان ہے، ذرائع کے مطابق ماضی کے سندھ نیشنل فرنٹ اورپی ٹی آئی کے موجودہ رہنما ممتاز بھٹو سے مشاورت کے بعد عمران خان انھیں گورنرسندھ یا صدر مقررکرنے کا فیصلہ کریں گے،پی ٹی آئی سربراہ عمران خان نے ممتاز بھٹو کو فوری طور پر اسلام آباد طلب کرلیاہے،عمران خان کی جانب سے طلب کیے جانے پر ممتاز بھٹو نے جواب دیا ہے کہ وہ آئندہ 2سے 3روز میں اسلام آباد کا دورہ کریں گے۔واضح رہے کہ ذرائع سے یہ خبر
آئی تھی کہ گورنر سندھ محمد زبیرنے عہدہ چھوڑنے کا اصولی فیصلہ کرلیاہے۔ ذرائع کے مطابق پاکستان مسلم لیگ ن سے تعلق رکھنے والے گورنر سندھ محمدزبیرکا ذاتی سامان گورنر ہاس سے ان کے نجی گھر منتقل کیاجارہاہے۔ یاد رہے محمد زبیر کو2017میں سعید الزماں صدیقیکے انتقال کے بعد گورنر سندھ مقررکیاگیاتھا۔ اس سے قبل محمد زبیر ن لیگ کی حکومت میں وفاقی وزیرنجکاری تھے۔یہ بھی یاد رہے کہ گورنر محمد زبیر پاکستان تحریک انصاف کے رہنما اسدعمر کے بھائی ہیں تاہم انھیں نے پی ایم ایل ن کی وابستگی کیباعث مستعفی ہونے کا اصولی فیصلہ کرلیاہے۔
