اسلام آباد(مانیٹرنگ ڈیسک)پاکستان میں تحریک انصاف کی الیکشن میں فتح اور عمران خان کے متوقع وزیراعظم بننے کی خبر نے بھارت پر سکتہ طاری کر دیا ہے اور بھارتی وزیراعظم مودی کو جیسے سانپ سونگھ گیا ہے ، مسلسل خاموشی اختیار کر لی۔ تفصیلات کے مطابق دنیا بھر سے تحریک انصاف کی فتح اور عمران خان کے متوقع وزیراعظم پاکستان بننے کی خبر کے بعد تہنیتی پیغامات آنے کا سلسلہ جاری ہے ایسے میں بھارتی وزیراعظم نریندر مودی کو تو جیسے سانپ سونگھ گیا ہے اور انہوں نے مسلسل خاموشی اختیار کرلی ہے۔برطانوی
اخبار کی رپورٹ کے مطابق عمران خان کی جیت پر بھارتی دفتر خارجہ نے بھی کوئی بیان جاری نہیں کیا۔اخبار میں یہ بھی کہا گیا کہ انتخابی مہم میں عمران خان نے نوازشریف کو مودی کا دوست قراردیا جبکہ عمران خان ایک سال قبل بھارتی وزیراعظم مودی سے ملاقات کرچکے ہیں اورعمران خان نے ایک موقعے پرمودی کی تعریف بھی کی تھی۔خیال رہے کہ پاکستان میں عام انتخابات 2018 ءجیتنے پر امریکہ ،برطانیہ،جاپان،چین،اقوام متحدہ کے سیکرٹری جنرل انتونیو گوترس و دیگر ممالک کی جانب سے عمران خا ن کو مبارکباد دی گئی ہے۔
