اسلام آباد(مانیٹرنگ ڈیسک)شہباز شریف کی بہو اور سلمان شہباز کی اہلیہ زینب سلمان اپنا ووٹ کاسٹ نہ کر سکیں، بغیر ووٹ ڈالے گھر روانہ۔ تفصیلات کے مطابق شہباز شریف اور ان کے صاحبزادے سلمان شہباز اپنا ووٹ کاسٹ کرنے کیلئے جونیئر ماڈل ہائی سکول ماڈل ٹائون میں قائم پولنگ اسٹیشن پہنچے جہاں شہباز شریف اور ان کے صاحبزادے سلمان شہباز نے اپنا ووٹ کاسٹ کیا تاہم سلمان شہباز کی اہلیہ زینب سلمان اپنا ووٹ کاسٹ نہیں کر سکیں

جس کی وجہ سے ان کا نام کا سیریل لسٹ میں موجود نہ ہونا بتایا گیا ہے۔ زینب سلمان اس موقع پر ووٹ پول کرنے کیلئے دوسرے پولنگ سٹیشنز پر بھی گئیں مگر انہیں ہر جگہ سے یہی بتایا گیا کہ الیکشن کمیشن کی جانب سے فراہم کردہ لسٹ میں ان کا نام اور شناختی کارڈ نمبر موجود نہیں۔اس طرح ن لیگ شریف خاندان کے ایک قیمتی ووٹ سے محروم رہ گئی ، زینب سلمان ووٹ کاسٹ نہ کر سکنے پر مایوسی کی حالت میں گھر روانہ ہو گئیں۔