اسلام آباد(مانیٹرنگ ڈیسک)الیکشن میں 2 دن باقی لیکن گوجرانوالہ کے علاقہ پیپلز کالونی میں پاکستان تحریک انصاف کے دفتر میں نوجوان سر عام نشہ کرنے لگے۔تفصیلات کے مطابق پیپلز کالونی میں موجود پاکستان تحریک انصاف کے اس دفتر سے متعلق پولیس کو کئی شکایات موصول ہوئیں جس پر پولیس نے مذکورہ دفتر میں چھاپہ مار کر تین افراد کو منشیات فروشی کے الزام میں گرفتار بھی کر لیا تھا۔
لیکن اب اس آفس میں نشے کے عادی افراد نے سر عام ہی نشہ کرنا شروع کر دیا جس کی فوٹیج بھی سامنے آئی ہے۔ مقامی ایس ایچ او نے بتایا کہ وہاں کچھ ایسے نوجوان موجود ہیں جو نشے کے عادی ہیں انہیں ایسی سرگرمیاں کرنے سے منع بھی کیا تھا ۔اس حوالے سے پاکستان تحریک انصاف کے کیمپ میں موجود پی ٹی آئی کارکنان سے بات کی گئی تو انہوں نے نشہ کرنے والے افراد سے لاتعلقی کا اظہار کیا ہے۔
