اسلام آباد (مانیٹرنگ ڈیسک) معروف صحافی سہیل وڑائچ نے کہا کہ مجھے لگتا ہے کہ حکومت پی ٹی آئی کی ہو گی لیکن وہ لمبی نہیں چلے گی، اس کی وجہ یہ ہے کہ جب دوسری پارٹیوں کو لیول پلیئنگ فیلڈ نہیں ملے گا تو وہ اس کے بعد آرام سے نہیں بیٹھیں گے، اور آپ کے ہاں کوئی بھی حکومت لوگوں کے مسائل تو حل نہیں کر سکتی، اب لوگوں کی عمران خان سے بہت امیدیں وابستہ ہیں کہ اسی طرح سے لوگوں کی مایوسی بھی اتنی جلدی بڑھے گی یا پھر عمران خانکوئی معجزہ کر دکھائیں اور
ایک جادو کی چھڑی سے اقتدار میں آتے ہیں لوگوں کے مسائل حل کرنا شروع کر دیں بظاہر ایسا نہیں لگتا ہے اور جب وہ نہیں کر سکیں گے تو مایوسی بڑی تیزی سے بڑھے گی، معروف صحافی سہیل وڑائچ نے کہا کہ یہ نوجوانوں کا الیکشن ہے، انہوں نے کہا کہ نوجوان بڑے پرجوش ہوتے ہیں لیکن اتنی جلدی ہی یہ لوگ ناراض بھی ہوتے ہیں، عمران خان کو بڑے سوچ سمجھ کر قدم اٹھانے ہوں گے اگر عمران خان نے ایسا نہ کیا تو ان کی حکومت میرے خیال میں ڈیڑھ سال سے زیادہ نہیں چل سکے گی۔
