اسلام آباد (مانیٹرنگ ڈیسک) شہباز شریف کی انتظامیہ سے کوئی خفیہ ڈیل ہوئی ہے جس کی وجہ سے وہ اپنے بھائی نواز شریف کے استقبال کیلئے لاہور ائیرپورٹ نہ پہنچے، معروف صحافی سہیل وڑائچ کا تہلکہ خیز انکشاف۔تفصیلات کے مطابق نجی ٹی وی سے گفتگو کرتے ہوئے معروف صحافی و تجزیہ کار سہیل وڑائچ کا کہنا تھا کہ شہباز شریف کا نواز شریف کے استقبال کیلئے لاہور ائیرپورٹ نہ پہنچنے سے لگتا ہے کہ ان کی انتظامیہ کیساتھ کوئی خفیہ ڈیل ہو گئی ہے۔ شہباز شریف ایک طرف تو
بھائی کی حمایت کر رہے ہیں تو دوسری طرف ان کی کوشش ہے کہ اسٹیبلشمنٹ کیساتھ بھی بنا کر رکھی جائے اور اس درمیانی راستے سے ن لیگ کو نقصان پہنچا۔ سہیل وڑائچ کا کہنا تھا کہ یہ ممکن نہیں چاہے گاڑی جتنی بھی آہستہ رفتار سے چلائی جائے کہ لاہور ائیرپورٹ پر 8بجے تک نہ پہنچا جا سکے۔ نواز شریف کے استقبال کیلئے شہباز شریف سمیت لیگی قیادت کے ائیرپورٹ نہ جانے سے لگا کہ کسی خفیہ ڈیل کے تحت شہباز اور ن لیگی قیادت نے ائیرپورٹ تک جانے کی کوشش ہی نہیں کی۔
