کراچی (مانیٹرنگ ڈیسک )ریاستی پالیسی کو دیکھتے ہوئے لگتا ہے کہ شہبازشریف کو اب وزیراعلیٰ پنجاب نہیں بننے دیا جائے گا ۔سینئر صحافی و تجزیہ کار سہیل وڑائچ نے ن لیگ کوپریشان کن خبر سنا دی۔ تفصیلات کے مطابق نجی ٹی وی سے گفتگو کرتے ہوئے کہا ہے کہ ریاستی پالیسی کو دیکھتے ہوئے نہیں لگتا کہ شہباز شریف اب وزیراعلیٰ پنجاب بن سکیں گے، نگراں حکومت نے ن لیگ کی ریلی روکنے کیلئے بہت غلط حکمت عملی اختیار کی، ریاست کیخلاف
مزاحمتی سیاست کی جائے تو بڑا ہجوم اکٹھا نہیں کیا جاسکتا ہے، لاہور میں رکاوٹوں کی وجہ سے توقع کے برخلاف زیادہ لوگ اکٹھے نہیں ہوپائے، سہیل وڑائچ کا کہنا تھا کہ ن لیگ کو الیکشن میں جو نقصان ہونا تھا ہوچکا ہے، جمعے کی ریلی سے ن لیگ کا ووٹر رک جائے گا لیکن فتح کے امکانات پہلے ہی ختم ہوچکے ہیں، وفاقی حکومت کو ایک طرف کردیں اب انہیں پنجاب حکومت کیلئے اکثریت حاصل کرنی ہے، ریاستی پالیسی کو دیکھتے ہوئے نہیں لگتا کہ شہباز شریف کو اب وزیراعلیٰ پنجاب بن پائیں گے۔
