لاہور (مانیٹرنگ ڈیسک) حمزہ شہباز نے ایک نجی ٹی وی چینل کے پروگرام میں گفتگو کرتے ہوئے کہا کہ عمران خان ، جہانگیر ترین کے بھی وہی کیسز تھے جو نواز شریف کا تھا، انہوں نے کہا کہ مریم نواز میری بڑی بہن ہیں، ہمارے درمیان کوئی لڑائی نہیں ہے،حمزہ شہباز نے کہا کہ دعا ہے اللہ تعالی کسی پر مشکل وقت نہ لائے، انہوں نے مزید کہا کہ مسلم لیگ (ن) میں خیالات مختلف ہو سکتے ہیں، الیکشن
میں ہم سب اکٹھے چل رہے ہیں، نواز شریف سے پیار کا رشتہ ہے جو ہمیشہ قائم رہے گا، کرسی تو بے وفا ہوتی ہے، اصل عزت پیار سے ملتی ہے، حمزہ شہباز نے کہا کہ شریف خاندان پر امتحان پہلی بار نہیں آیا، میرے والد کی سوچ ہے سب کو ساتھ لے کر چلنا چاہیے، حمزہ شہباز نے کہا کہ اگر جھوٹ کا ورلڈکپ ہوتا تو عمران خان جیت جاتے، انہوں نے کہاکہ میاں نواز شریف کے ساتھ انصاف ہونا چاہیے۔
