اسلام آباد (مانیٹرنگ ڈیسک) پاکستانی فلموں کے لیجنڈ اداکار مصطفیٰ قریشی پیپلزپارٹی کو خیرآباد کہہ کر تحریک انصاف میں شامل ہو گئے۔ تفصیلات کے مطابق تحریک انصاف کراچی ریجن کے جنرل سیکرٹری خرم شیر زمان کی پاکستانی لیجنڈری اداکار مصطفیٰ قریشی سے ملاقات ہوئی جس میں مصطفیٰ قریشی نے عمران خان کی قیاد ت پر اظہار اعتماد کرتے
ہوئے تحریک انصاف میں شمولیت کا اعلان کیا ہے۔ واضح رہے کہ مصطفیٰ قریشی کا شمار پاکستان کے معروف اور سینئر ترین فلمی سٹار میں ہوتا ہے، ان کی فلم مولاجٹ کے ایک ڈائیلاگ ’’نواں آیا ایں سوہنیا ‘‘نے انہیں شہرت کی بلندیوں تک پہنچا دیا، اس فلم میں آپ نے فن اداکاری کی معراج کو چھوا، یہی وجہ ہے کہ آپ کا فلم میں ادا کیا کردار آج تک لوگوں کے ذہنوں میں نقش ہے۔
