لاہور (ا ین این آئی) لاہور ہائیکورٹ نے متنازعہ بیان پر سابق وزیر اعظم نواز شریف کیخلاف غداری کا مقدمہ درج کرنے کے لئے دائر درخواستیں نمٹا دیں۔لاہور ہائیکورٹ کے جسٹس شمس محمود مرزا نے عوامی تحریک کے رہنما خرم نواز گنڈا پور، رحمت شاہ آفریدی اور فہیم رضا کی درخواستوں پر محفوظ کیا گیا فیصلہ سنایا۔عوامی تحریک سمیت دیگر کی جانب سے درخواستیں دائر

کی گئی تھیں جن میں نواز شریف کے ممبئی حملوں کے بیان کو بنیاد بنا کر غداری کا مقدمہ درج کرنے کی استدعا کی گئی تھی، عدالت نے قرار دیا ہے کہ عدالت کو براہ راست غداری کا مقدمہ درج کرانے کا اختیار نہیں۔عدالت نے معاملہ وزارت داخلہ کو بھجواتے ہوئے درخواست گزار وں کو سن کر قانون کے مطابق فیصلہ کرنے کی ہدایت کرتے ہوئے درخواستیں نمٹا دیں۔