اسلام آباد(مانیٹرنگ ڈیسک)عمران خان ایماندار شخص ، پاکستان کے اگلے وزیراعظم ہو سکتے ہیں، سابق آرمی چیف و صدر پرویزمشرف نے عمران خان کو نواز شریف اور آصف زرداری سے بہتر قرار دیدیا۔ تفصیلات کے مطابق نجی ٹی وی پروگرام میں گفتگو کرتے ہوئے پرویز مشرف کا کہنا تھا کہ ماضی میں عمران خان کی مقبولیت میں اتار چڑھائو آتا رہا ہے تاہم اب ان کی مقبولیت میں

اضافہ ہو رہا ہے ۔ ان کا کہنا تھا کہ پاکستان پیپلز پارٹی اور پاکستان مسلم لیگ ن ملک کے لیے کچھ نہیں کر سکتے۔ان دونوں جماعتوں کو چار چار بار دیکھ لیا ہے۔یہ پاکستان کی خاطر کچھ نہیں کر سکتے،کیونکہ یہ بد نیت ہیں یہ پاکستان کے لیے کچھ نہیں کریں گے، میرے نزدیک وہ آدمی اچھا ہے جو پاکستان کے لیے کچھ کرے۔عمران خان 2002تک میرے ساتھ رہے میں نے شوکت خانم کیلئے چندہ جمع کرنے میں بھی ان کی مدد کی ، میں انہیں اچھی طرح جانتا ہوں عمران خان برا آدمی نہیں ہے۔ عمران خان باقی سیاسی جماعتوں سے بہت بہتر ہے۔عمران خان ایماندار ہے۔اگلے وزیراعظم بھی ہو سکتے ہیں۔ پرویز مشرف کا کہنا تھا کہ عمران خان کے پاس پیسے کوئی خاص نہیں ہیں اور نہ ہی کوئی پراپرٹی باہر ہے اور وہ لالچی بھی نہیں اگر وہ لالچی ہوتے تو عمران خان کی پہلی بیوی جمائما ایک بہت امیر آدمی کی بیٹی تھی وہ اس کا فائدہ اٹھاتے۔ پرویز مشرف نے عمران خان کی تعریف کرتے ہوئے کہا کہ عمران خان میں کچھ ایسی خوبیاں موجود ہیں جن کو پہچاننے کی ضرورت ہے۔ انہوں نے کہا کہ میں سمجھتا ہوں کہ عمران خان برا آدمی نہیں ہے۔جب عمران خان اچھا آدمی ہے تو میں اس کو برا کیوں کہوں گا۔میں صرف اس لیے عمران خان کی برائی نہیں کر سکتا کہ وہ میرا سیاسی مخالف ہے۔ اگر وہ لالچی ہوتے تو عمران خان کی پہلی بیوی جمائما ایک بہت امیر آدمی کی بیٹی تھی وہ اس کا فائدہ اٹھاتے۔ پرویز مشرف نے عمران خان کی تعریف کرتے ہوئے کہا کہ عمران خان میں کچھ ایسی خوبیاں موجود ہیں جن کو پہچاننے کی ضرورت ہے۔