اسلام آباد (مانیٹرنگ ڈیسک)وزیراعظم شاہد خاقان عباسی کی زیر صدارت وفاقی کابینہ کا اجلاس ، ملکی سلامتی اور معاشی صورت حال سمیت گیارہ نکاتی ایجنڈے ، سرکاری اداروں میں حکام کے تقرر اور مختلف ملکوں کے ساتھ معاہدوں کی منظوری پر پر غور ،وفاقی وزیر داخلہ احسن اقبال کی بھی شرکت، کابینہ ارکان نے گرمجوشی سے استقبال کیا۔ تفصیلات کے مطابق وزیراعظم شاہد خاقان عباسی کی زیر صدارت وفاقی کابینہ کا اجلاس ہوا۔ میڈیا رپورٹس کے مطابق اجلاس میں ملکی سلامتی
اور معاشی صورت حال سمیت گیارہ نکاتی ایجنڈے ، سرکاری اداروں میں حکام کے تقرر اور مختلف ملکوں کے ساتھ معاہدوں کی منظوری پر پر غورکیا گیا ۔قاتلانہ حملے میں زخمی ہونے والے وفاقی وزیر داخلہ احسن اقبال بھی صحت یابی کے بعد وفاقی کابینہ کے اجلاس میں شریک ہوئے.ارکان کابینہ نے گرمجوشی سے احسن اقبال کا استقبال کیا اور صحت یابی پر انہیں مبارکباد دی.احسن اقبال نے کابینہ ارکان کی جانب سے دعاؤں اور نیک خواہشات کے اظہار پر شکریہ ادا کیا۔
