فیصل آباد(مانیٹرنگ ڈیسک)فیصل آباد میں بینظیر انکم سپورٹ پروگرام اور بینک کے ملازم بن کر غریب خواتین کے ساتھ فراڈ کرنے والے 2 ملزمان گرفتار، ایف آئی اے نے کارروائی کے دوران ملزمان سے موبائل فونز اور بینظیر انکم سپورٹ پروگرام کی لسٹیں برآمدکر لیں۔ تفصیلات کے مطابق فیصل آباد میں بینظیر انکم سپورٹ پروگرام اور بینک کے ملازم بن کر غریب خواتین کے ساتھ فراڈ کرنے والے 2 ملزمان ایف آئی اے نے گرفتار کر لیے، ملزمان نے فراڈ کے ذریعے
خواتین کے بینک اکائونٹس میں سے بینظیر انکم سپورٹ پروگرام کے فنڈز نکلوائے۔فیصل آباد میں ایف آئی اے کی کاروائی، خود کو بینک اور بینظیر انکم سپورٹ پروگرام کے ملازم ظاہر کر کے غریب خواتین کے ساتھ فراڈ کرنے والے 2 ملزمان منور اور یاسین کو گرفتار کر لیا گیا۔ ملزمان بائیومیٹرک ڈیوائس کے ذریعے تصدیق کا بہانا بنا کر معصوم خواتین کو جھانسہ دے کر ان کے اکاونٹس میں سے رقم نکلواتے تھے۔ایف آئی اے نے ملزمان کے خلاف مقدمہ درج کرکے کارروائی کا آغاز کردیا ہے۔
