اسلام آباد(مانیٹرنگ ڈیسک) سیلفی کے شوق نے 10 ماہ کی بچی کی جان لے لی۔غیر ملکی میڈیا کے مطابق بھارتی ریاست راجستھان میں واقع ایک تجارتی مرکز میں  شوہر نے اپنی بیوی سے کہا کہ وہ سیڑھیاں چڑھتے ہوئے ایک سیلفی بنائے اور جب بیوی نے سیلفی بنانے کی کوشش کی تو وہ اپنا توازن برقرار نہ رکھ سکی اور اس کے ہاتھ سے بچی گرنے کے بعد دیواروں سے ٹکراتی ہوئی

زمین پر جاگری، بچی کے گرتے ہوئے عوام نے شور شرابا شروع کردیا تاہم عوام کے  پہنچنے سے پہلے ہی بچی دم توڑ چکی تھی۔ اہلِ خانہ کے انکار پر پولیس نے واقعے کی تحقیقات نہ کرنے کا فیصلہ کیا ہے۔اس اندوہناک واقعے پر گہرے دکھ اور افسوس کا اظہا ر کیا جارہا ہے۔واضح رہے کہ اس سے پہلے بھی سیلفی کی وجہ سے بہت ساری قیمتی جانیں ضائع ہو چکی ہیں۔