بٹگرام (آئی این پی) ڈپٹی سپیکر قومی اسمبلی مرتضیٰ جاوید عباسی نے کہا کہ نیا پاکستان بنانے کا دعویٰ کرنے والے صرف بنی گالہ ہی بناتے رہے ہیں‘ سی پیک کے ہزارہ روٹ کی پی ٹی آئی نے شدید مخالفت کی‘ امیر مقام دوسرا شہباز شریف ثابت ہوں گے‘ نواز شریف پاکستان کی غداری کا کبھی نہیں سوچ سکتے۔ منگل کو ڈپٹی سپیکر مرتضیٰ جاوید عباسی نے جلسے سے خطاب کرتے ہوئے کہا کہ
موقع ملا تو بٹگرام کے عوام کی محرومیوں کا خاتمہ کریں گے۔ مسلم لیگ (ن) نے بٹگرام میں کروڑوں روپے کے کام کروائے ہیں۔ مسلم لیگ (ن) کو اپنے ووٹوں سے مضبوط کرکے دکھاؤ۔ نیا پاکستان بنانے کا دعویٰ کرنے والے صرف بنی گالہ ہی بناتے رہے ہیں۔ ہم نے خیبرپختونخوا میں حکومت نہ ہونے کے باوجود بھی کام کرکے دکھائے۔ سی پیک کے ہزارہ روٹ کی پی ٹی آئی نے شدید مذمت کی۔ ہمارے لیڈر نواز شریف کے خلاف پروپیگنڈے کئے جارہے ہیں۔ نواز شریف پاکستان کی غداری کا کبھی نہیں سوچ سکتے۔ امیر مقام دوسرا شہباز شریف ثابت ہوگا امیر مقام خیبرپختونخوا میں ترقی لائیں گے ترقی کو ووٹ دینے کا فیصلہ عوام کریں گے۔
