اسلام آباد (آئی این پی) مسلم لیگ (ن) نے الیکشن 2018کیلئے ٹکٹ فارم جاری کردیئے‘ درخواستیں 25مئی تک پارٹی سیکرٹریٹ ماڈل ٹاؤن میں جمع ہوں گی۔ منگل کو مسلم لیگ (ن) نے الیکشن 2018 کے لئے ٹکٹ فارم جاری کردیئے۔ قومی و صوبائی اسمبلی کے امیدوار کے فارم ملنا شروع ہوگئے ہیں درخواستیں 25 مئی تک پارٹی
سیکرٹریٹ ماڈل ٹاؤن میں جمع ہوں گی۔ قومی اسمبلی ٹکٹ کے لئے پارٹی فیس 50 ہزار روپے مقرر کی گئی۔ صوبائی اسمبلی ٹکٹ کے لئے پار ٹی فیس 30ہزار روپے مقرر کی گئی ہے۔ قومی اسمبلی میں مخصوص نشست کے لئے فیس ایک لاکھ روپے ہوگی۔ صوبائی اسمبلی میں مخصوص نشست کے لئے فیس 75 ہزار روپے مقرر کی گئی ہے۔
