حیدر آباد(آئی این پی) موٹر وے ایم نائن پر کار اور ٹرک میں تصادم ، 8افراد جاں بحق ،3زخمی، لونی کوٹ تھانہ کی حد چوکی نمبر13پر ایک تیز رفتار ٹرک الٹ گیا اس دوران آنیوالی کار اس سے ٹکرا گئی جس کے نتیجے میں8افراد جاں بحق ہو گئے ان میں پانچ بچے دو خواتین اور ایک مرد شامل ہے ان کا تعلق نوابشاہ سے بتایا جاتا ہے جو کراچی سے نوابشاہ جارہے تھے ان کا ایک ہی گھرانہ سے تعلق ہے ۔

جاں بحق افراد کے نام نعیم اللہ رند ، محمد بخش رند ، عبدالقدیر رند ، صابر رند ، فریدہ ، مسماۃ فیرروزہ ،نبیدہ اور شرمیلا شامل ہیں جبکہ زخمی افراد میں کاشف ، ساجد اور نبی بخش شامل ہے زخمیوں اور لاشوں کو سول اسپتال حیدرآباد منتقل کر دیا گیا ۔ وزیر اعلیٰ سندھ سید مراد علی شاہ ‘ سپیکر اسمبلی آغا سراج درانی اور ڈپٹی سپیکر شہلارضا نے واقعہ پر افسوس کا اظہار کیا ہے جبکہ وزیر اعلیٰ نے واقعہ کی رپورٹ طلب کر لی ہے ۔