لاہور ( این این آئی) پاکستان تحریک انصاف کے چیئرمین عمران خان نے کہا ہے کیی ہمارا ہر قدم پاکستان کے لیے اٹھے گا،جلسے میں آئے زندہ دلان لاہور اور ملک بھر سے آئے عوام کا تہہ دل سے مشکور ہوں۔چیئرمین پی ٹی آئی عمران خان نے لاہور میں کامیاب جلسے پر پارٹی رہنماؤں اور عوام سے اظہار تشکر کرتے ہوئے کہا کہ مینار پاکستان کے سائے تلے سیاسی تاریخ کا نیا ریکارڈ قائم ہوا

جہاں پرقوم اورلیڈرشپ نے مل کر تجدید عہد کیا۔انہوں نےکہا کہ پاکستان کو مضبوط اورمستحکم بنائیں گے، ہمارا ہرقدم پاکستان کے لیے اٹھے گا، نئے پاکستان میں عوام خوشحال اورادارے مضبوط ہوں گے۔انہوں نے کہا کہ مینار پاکستان پر ملکی تاریخ کے سب سے بڑے اجتماع (ام الاجتماعات) میں بھرپور شرکت پر میں زندہ دلان لاہور اور ملک بھر سےآئے عوام کا تہہ دل سے مشکور ہوں۔ اس کے ساتھ میں عبدالعلیم خان اور انکی ٹیم کا بھی شکریہ ادا کرتا ہوں جنہوں نے اس تاریخی اجتماع کیلئے شاندار انتظامات کئے۔دوسری جانب تحریک انصاف کی بڑی سیاسی حریف ن لیگ کے صدر اور وزیراعلیٰ پنجاب شہباز شریف نے ن لیگ کے جلسے کو 2011کے جلسے سے چھوٹا قرار دیتے ہوئے کہا ہے کہ لاہور والوں نے تحریک انصاف کو مسترد کر دیا ہے اور کل کے جلسے نے تحریک انصاف کی گرتی مقبولیت کے گراف کی نشاندہی کر دی ہے۔ انہوں نے کہا کہ عمران خان نے کروڑوں کا خرچہ کر کے ناکام شو کیا ہے۔شہباز شریف نے اس موقع پر کہا کہ پورے ملک سے لوگوں کو جمع کرنے کیلئے بے پناہ اخراجات کئے گئے ہیں جبکہ ہمارے جلسوں پر تنقید کرنے والے خود اپنے ہی لگائے الزامات خود کرنے پر مجبور ہو گئے ہیں۔ شہباز شریف نے کہا کہ عمران خان پورے ملک سے لوگوں کو لاہور لے کر آئے اور تحریک انصاف کے یہ لوگ جب لاہور پہنچے تو لاہور دیکھ کر ہمارے ووٹر بن گئے ہیں۔

وزیراعلیٰ پنجاب شہباز شریف نے ن لیگ کے جلسے کو 2011کے جلسے سے چھوٹا قرار دیتے ہوئے کہا ہے کہ لاہور والوں نے تحریک انصاف کو مسترد کر دیا ہے اور کل کے جلسے نے تحریک انصاف کی گرتی مقبولیت کے گراف کی نشاندہی کر دی ہے۔ انہوں نے کہا کہ عمران خان نے کروڑوں کا خرچہ کر کے ناکام شو کیا ہے۔شہباز شریف نے اس موقع پر کہا کہ پورے ملک سے لوگوں کو جمع کرنے کیلئے بے پناہ اخراجات کئے گئے ہیں جبکہ ہمارے جلسوں پر تنقید کرنے والے خود اپنے ہی لگائے الزامات خود کرنے پر مجبور ہو گئے ہیں۔ شہباز شریف نے کہا کہ عمران خان پورے ملک سے لوگوں کو لاہور لے کر آئے اور تحریک انصاف کے یہ لوگ جب لاہور پہنچے تو لاہور دیکھ کر ہمارے ووٹر بن گئے ہیں۔