کراچی (این این آئی)صوبائی وزیر امداد پتافی کو واٹس ایپ پر کالعدم تنظیم کی جانب سے دھمکی دی گئی ہے کہ آپ کے پاس ایک دن باقی ہے ۔تفصیلات کے مطابق کالعدم لشکر جھنگوی کی جانب سے صوبائی وزیرامداد پتافی کو واٹس ایپ کے ذریعہ دھمکی دی گئی ہے کہ آپ کے پاس

ایک دن باقی ہے ۔امداد پتافی کا کہنا ہے کہ انہوں نے دھمکی آمیز پیغام سے متعلق وزیراعلی سندھ اور آئی جی پولیس کو آگاہ کردیا ہے۔ ذندگی اور موت اللہ کے ہاتھ میں ہے یہ میرا ایمان ہے۔ یہ ہمیں خوف زدہ نہیں کرسکتے ۔ پیپلزپارٹی ایسے ہتھکنڈوں سے مرعوب نہیں ہوگی۔