لاہور(آئی این پی) ذرائع کے مطابق چیف سیکرٹری نے آئی جی پنجاب کو کمشنر اور ڈپٹی کمشنر کو سکواڈ دینے کے لیے کہا ہے کہ جس طرح آر پی اوز اور ڈی پی اوز کے ساتھ سکیورٹی کے طور پر سکواڈ ساتھ چلتے ہیں، اسی طرح کمشنرز اور ڈپٹی کمشنرز کو بھی دیئے جائیںلیکن آئی جی پنجاب نے چیف سیکرٹری کی جانب سے دیئے گئے زبانی احکامات پر عملدرآمد سے انکار کر دیا ہے ذرائع کا کہنا ہے

کہ آئی جی پنجاب نے کوئی بھی زبانی حکم تسلیم کرنے سے انکار کر دیا ہے اور ہر افسر اور سیاسی شخصیت کو ایس اوپیز کے مطابق سیکیورٹی دی جائے گی۔آئی جی پنجاب کی سربراہی میں اسی حوالے سے اعلی پولیس افسران کا اجلاس بھی ہوا جس میں تمام افسران نے آئی جی کی بات کی تائید کر دی ہے۔ اہم شخصیات کی سکیورٹی کے حوالے سے وزیر قانون نے بھی اجلاس طلب کر لیا ہے جس میں اہم شخصیات کی سیکیورٹی کا جائزہ لیا جائے گا۔